Auxiliares Administrativos Concello de Lugo

Consistente en contestar un cuestionario de corenta (40) preguntas tipo test, máis tres (3) preguntas de reserva, correspondente ao conxunto do programa, temario de materias comúns e temario de materias específicas, con tres respostas alternativas propostas polo Tribunal, das cales só unha delas será correcta.

O tempo máximo para a realización do exercicio será de 60 minutos.

O exercicio cualificarase de 0 a 10 puntos e para superalo será necesario obter un mínimo de 5 puntos. Acadarase unha puntuación mínima de 5 puntos cando as respostas correctas se correspondan co 50% da totalidade das preguntas, para o cal se terá en conta que por cada tres (3) respostas incorrectas se descontará unha correcta. A resposta en branco terá puntuación cero.

Consistente no desenvolvemento por escrito, durante un tempo máximo de 1 hora, de 1 tema de entre 2 extraídos ó chou entre os comprendidos no temario de materias específicas.

O exercicio cualificarase de 0 a 10 puntos e para superalo será necesario obter un mínimo de 5 puntos.

Consistente na resolución dun ou varios supostos prácticos durante un tempo máximo de 1 hora e media. Dito suposto ou supostos prácticos serán formulados polo tribunal inmediatamente antes do comezo do exercicio correspondente e estará relacionado cos contidos do programa e coas funcións propias da natureza das prazas. No anuncio de convocatoria deste exercicio, o tribunal determinará os medios materiais dos que deberá ou poderá ir provisto o persoal aspirante para a súa realización.

O exercicio cualificarase de 0 a 10 puntos e para superalo será necesario obter un mínimo de 5 puntos.

MATERIAS COMÚNS DOS GRUPOS C (subgrupo C2)

1. A Constitución española de 1978: dereitos fundamentais e liberdades públicas. A Coroa. As Cortes Xerais. O Goberno.
2. A Comunidade Autónoma Galega: o Parlamento de Galicia. Administración autonómica de Galicia. Organización e estrutura básica.
3. O réxime local español: principios constitucionais. As entidades locais. O municipio. Poboación e termo municipal. Organización e competencias. Servizos municipais. O municipio de Lugo.
4. O procedemento administrativo común: principios. Estrutura. Fases do procedemento administrativo. A revisión dos actos administrativos: os recursos. Administración electrónica.

PROGRAMA TEMARIO DE MATERIAS ESPECÍFICAS

1. Municipios de gran poboación: O Alcalde. Competencias. Forma de elección e cesamento.
2. Municipios de gran poboación: as e os tenentes de Alcalde. A Xunta de Goberno Local: composición e atribucións.
3. Municipios de gran poboación: O Concello Pleno. Composición e competencias. As comisións informativas.
4. Réxime de sesións e acordos dos órganos colexiados locais.
5. A potestade regulamentaria das entidades locais. Ordenanzas, regulamentos e bandos.
6. O persoal ao servizo da Administración local: funcionarias/os propias/os das entidades locais. Integración en escalas, subescalas e clases. Dereitos e deberes.
7. Os bens das entidades locais: a súa clasificación. Réxime xurídico dos bens das entidades locais.
8. O acto administrativo: concepto e clases. Elementos.
9. Eficacia dos actos administrativos. Notificación e publicación. Nulidade e anulabilidade.
10. Finalización do procedemento administrativo: a obriga de resolver. O silencio administrativo.
11. Dereito e obriga de relacionarse electronicamente cas Administracións Públicas. Rexistros. Arquivo de documentos. Rexistros electrónicos de apoderamentos.
12. Os orzamentos das corporacións locais: elaboración, aprobación e execución.
13. As facendas locais: recursos das facendas locais. Especial referencia a impostos, taxas e contribucións especiais.
14. Os contratos das administracións públicas: delimitación dos tipos contractuais. Perfección e forma do contrato. Competencia en materia de contratación e normas específicas de contratación pública nas entidades locales.
15. Dereitos e deberes das e dos veciños no ámbito local: información e participación cidadá.
16. Lei Orgánica 3/2007, de 22 de marzo , para a igualdade efectiva de mulleres e homes: o principio de igualdade e a tutela contra a discriminación. Políticas públicas para a igualdade: principios xerais.